Archivos mensuales: octubre 2024

Leioako Udalak Umore Azoka 2025, Leioako Kaleko Artisten Azoka 2025 iragartzeko kartela aukeratzeko lehiaketarako deia egin du. Azokaren hurrengo edizioak 25 urte beteko ditu, eta maiatzaren 22tik 25era egingo da. Proposamenak azaroaren 11ra arte aurkeztu ahal izango dira eta Kultur Leioako Jose Ramon Aketxe plaza 11, 4. solairura bidali beharko dira. Ideia irabazlea 2025eko Umore Azokaren irudi bihurtuko da, eta egileak 1.400 euroko sari ekonomikoa jasoko du. LIBURUXKA – OINARRIAK (1,4 MB) Proposamen profesionalak Gainera, urriaren 21ean, Udalak epea irekiko du konpainia artistikoek Umore Azokan parte hartzeko lanak aurkezteko, www.umoreazoka.org webgunearen bidez. Azoka zabalik dago kalea adierazpen eta komunikazio artistikorako [...]

BESTE PROPOSAMENAK Murgiltze-komedia bat, publiko guztientzat, non hilketa misteriotsu bat argitu beharko duten. Artatzako artxidukearen heriotza bitxiaren ondoren, fenomeno paranormalak ugari dira Artatzako Jauregian: agerpenak eta zarata beldurgarriak, kendu ondoren berriro agertzen diren orbanak, beren kabuz mugitzen diren objektuak… Artura Konandoila ikertzaile ospetsuak bere inguruan bildu du buruargi talde bat –ikusleak, alegia–, misterioa argitzen lagundu diezaioten. Beharbada, artxidukearen heriotza ez zen hain naturala izan? Jauregian bizi diren pertsonak nahiko susmagarriak dira. Zergatik bihurtu dira hain lotsagabeak zerbitzariak? Eta familiaren gonbidatu txit argi horrek berak ere –Bilbora etorri zen ingelesak, alegia– jokabide bitxi samarra du… Ustel-usaina dago artxidukearen jauregian! – Urriaren [...]

Leioako Udalak antzerki ikuskizun komiko, suspenseko eta murgiltzaile bat programatu du Leioako 498. urteurrena ospatzeko programazioaren barruan. “Artatzako noragabeko arima” izenburupean, Braulio Cortesek zuzendutako hainbat konpainiatako hainbat aktorek misterioz beteko dute Artaza jauregia, eta ikusleak izango dira antzerki-proposamen honen benetako protagonistak. Publikoak jakingo du nor edo nor diren krimen misteriotsu baten errudunak. Ez dira faltako fenomeno paranormalak, agerpen eta zarata ikaragarriak, bakarrik mugitzen diren objektuak… Guztira 16 emanaldi egingo dira, 100 pertsonentzako edukierarekin, urriko azken asteburuan eta azaroko lehenengoan, azken kasu horretan, ostegunean hasiko dira, azaroaren 1a jaieguna dela aprobetxatuz: – Urriaren 26an, ostirala, hiru emanaldi izango dira: 18:00etan euskaraz, [...]